Campa Samhradh agus Lá Oscailte in Ógras Dhún Dealgan

Beidh campa samhraidh ar siúl i nGaeilge i nDún Dealgan an samhradh seo, dírithe ar pháistí 7-12 bliana d’aois. Tá an campa eagraithe ag Ógras, agus is é seo an chéad uair riamh go mbeidh campa samhraidh acu sa bhaile. 

Is óg-eagraíocht Gaeilge í Ógras a chuireann spás sábháilte agus compordach ar fáil inar féidir le daoine óga ón gceantar áitiúil teacht le chéile lena gcairde, trí mheán na Gaeilge. Bíonn clubanna óige seachtainiúla agus campaí samhraidh bliaintiúla ar siúl fúd fad na tíre ag Ógras.

Bhunaigh Ógras club óige i nDún Dealgan i mí Feabhra 2020 do dhéagóirí 12-15 bliana. Buaileann siad le chéile in éineacht le ceannairí ar an Máirt in Áras Chonradh na Gaeilge, 5 Plás na Trá. Beidh lá oscailte ansin an Satharn seo 28 Bealtaine 1pm ina féidir níos mó eolais a fháil faoin club óige nó an campa samhraidh.