Leabhar Ficsin Gaeilge na Bliana 2023 bainte ag Róise Ní Bhaoill
“Cnuasach gearrscéalta as an choitiantacht atá ann,” a dúirt Mac Lochlainn, “cnuasach a chuireann comaoin ar an ghearrscéal Gaeilge agus a chuireann casadh ann fosta.”
D'éirigh le leabhar Róise Ní Bhaoill, Imram agus Scéalta Eile, leabhar Gaeilge na bliana a bhaint ag na An Post Irish Book awards aréir.
Ag ócáid san Ionad Comhdhála i mBaile Átha Cliath a rinneah buaiteoirí a fhógairt. Roghnaíodh leabhar Uí Bhaoill mar Leabhar Ficsin Gaeilge na Bliana 2023.
Is é Imram agus scéalta eile an chéad chnuasach gearrscéalta le Róise Ní Bhaoill arb as Rann na Feirste, i nGaeltachta Thír Chonnaill dí. D’fhoilsigh Éabhlóid an leabhar
Rinne an leabhar a sheoladh ag Oireachtas na Samhna i gCill Airne. Ba é an scríbhneoir Antain Mac Lochlainn a sheol an leabhar.
“Cnuasach gearrscéalta as an choitiantacht atá ann,” a dúirt Mac Lochlainn, “cnuasach a chuireann comaoin ar an ghearrscéal Gaeilge agus a chuireann casadh ann fosta.”
I ndiaidh d’Antain an leabhar a sheoladh, labhair Róise faoin astar a thug sí fuithi leis an leabhar agus faoi chuid den inspioráid a bhí ar chúl cuid de na scéalta. Ghabh sí buíochas le Caomhán Ó Scolaí agus le Mícheál Ó Domhnaill a d’oibir ar an leabhar agus le hÉabhlóid as an leabhar a fhoilsiú.